張致恒一家丨癌症病人稱被張致恒夫婦呃錢要報《東張》　雯雯耍賴更稱自己「不被世界容納」

張致恒（Steven）與太太區燕雯（雯雯）經常在社交平台放負，當中N次表示要離婚和財困，而每次都表示以表示盡力搵錢，甚至形容自己會「盡地一鋪」去扭轉情況，可是最後卻又總是表示經濟拮据，整個放負過程不斷無限loop。

而雯雯更自爆家中連環發生不幸事件，包括囝囝入急症、愛犬患癌及自己初步懷疑生腫瘤等，可是網民大多仍不表同情。

張氏一家︱與張致恒齊返工搵錢養家？　雯雯疑想請工人惹網民討論

▲ 張致恒一家。

癌症病人向公開追數

最近，更有名自稱自稱患癌症的網民Cat於雯雯社交平台留言，表示曾借錢給雯雯可是對方卻一直未還錢，於是留言追數。

Cat日前留言寫道：「雯雯，我係Cat，你想點呀？畀咗幾個月時間你，爭我嗰萬六蚊一蚊都收唔到，包多春魚都收唔到，之前免費送咁多嘢畀你哋，你哋咁對我？！你好快啲還錢，最多畀你分兩期，分兩個月每次還$8000，所有Payme過數記錄同埋Whatsapp對話我都有keep，唔好逼我公開晒。我真係諗住搵《東張西望》，標題係：寧願呃癌症病人錢，都唔願意出去打工嘅前偶像夫妻。唔好逼我！」

▲ 張致恒一家。

雯雯不怕對方報《東張西望》

不過，雯雯並沒刪留言，更回覆稱：「首先，我好多謝你當初主動出現幫我哋。我從來冇諗過呃你，只係我而家未有鬆動可以還到畀你，就算其他人我同樣都係未還，當初你主動企出嚟幫我哋嘅時候，我都有同你溝通我冇咁快有能力可以還到錢，你亦話你明白。至於你兩包多春魚，我冇咗你地址，你block咗我，我根本聯絡唔到你。」

而且，她更耍賴地表示不怕對方報《東張》，稱：「就算你公開一切，我都尊重你，當中亦可以證明到我有講清楚我冇咁還（快）到畀你，所以不存在呃你錢。最後希望你unblock我，畀返你地址我寄畀你。亦祝你健健康康。」

感慨不被世界容納

到今日（5月18日），雯雯又照例在個人IG以story發文，寫道：「既然世界不容納 倒不如離開」

不過其實她在5月12日母親節時已於IG限時動態內指：「要在兩日內變大錢，除非中六合錢（彩），如果唔係，只有行最後一步，只有行到呢一步，就可以重新生活。加油！一定冇事，只有捱過一欠，一切就解決。」

網民對於雯雯所指的「最後一步」相當好奇，認為她是否拍AV，也有不少網民指她轉過頭又會貼出QR Code「乞錢」。

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick WhatsApp頻道睇最新資訊︰http://tinyurl.com/3dtnw8f5